Бишкек, 19.04.25 /Кабар/. Күн мурун Бишкектеги Каба уулу Кожомкул атындагы спорт ордосунда Кыргыз спортунун 100 жылдыгына карата кикбоксинг боюнча өлкө чемпионаты башталды.
Дене тарбия жана спорт мамлекеттик агенттигинен билдиришкендей, мелдештин салтанаттуу ачылыш аземине Спорттун олимпиадалык эмес түрлөрү боюнча дирекциясынын директорунун орун басары Каныбек Думанаев, Улуттук Олимпиада комитетинин төрагасы Үмөталы Кыдыралиев, федерация өкүлдөрү жана атайын чакырылган коноктор катышты.
Чемпионат жаштар жана чоңдор арасында өтүүдө. Мелдешке республиканын бардык аймактарынан келген спортчулар катышууда.
Жеңүүчүлөргө Спорттун олимпиадалык эмес түрлөрү боюнча дирекциясы тарабынан тиешелүү даражадагы диплом жана медалдар тапшырылат.
