Бишкек, 18.03.25. /Кабар/. Күн мурун Ж. Сейдакматова атындагы "Туңгуч" жаштар театры тарабынан даярдалган "Жесир" спектаклинин бет ачары өттү. Бул тууралуу Маданият, маалымат жана жаштар саясаты министрлигинен билдиришти.
Чыгарма Казакстандын эмгек сиңирген кайраткери, Абай атындагы мамлекеттик сыйлыгынын лауреаты Роза Муканованын калемина таандык.
Спектакль көрүүчүлөргө Т. Абдумомунов атындагы Кыргыз улуттук академиялык драма театрынын сахнасында тартууланды.
Аталган пьеса күйөөсүн жоготкон аялдын кайгысын жана жалгыздыгын чагылдырат. Спекталь башкы каармандын ички дүйнөсү аркылуу жалпы коомдогу аялзатынын бейнесин, сүйүктүү адамы жокто жашоонун маңызын издөө ж.б. учурларды камтыйт.
Карагөздүн ролунда КР эмгек сиңирген артисти Альбина Имашова.
Режиссёру Арнис Кыдырмышев.
