Бишкек, 24.03.25. /Кабар/. Бишкекте иштеген балдарга карата рейд жүрүп, 90 өспүрүм аныкталды.
Муниципалитеттен билдиришкендей, Биринчи май районунда жашы жете элек өспүрүмдөр арасындагы кылмыштуулуктун алдын алуу, эмгекке тартылган балдарды аныктоо, ошондой эле түнкүсүн мыйзамдуу өкүлдөрүнүн коштоосу жок жүргөн жашы жете элек өспүрүмдөрдү аныктоо максатында 17- мартынан 20-мартына чейин рейддер өткөрүлдү.
Рейддер Калыс-Ордо конушунда, Кудайберген, Сары-Өзөн, Азиз, ошондой эле райондун борбордук бөлүгүндө жүргүзүлдү.
Ала-Тоо аянтында жана Калыс-Ордо жаңы конушундагы түнкү рейддин натыйжасында түн ичинде ата-энесинин (мыйзамдуу өкүлдөрүнүн) коштоосуз жүргөн 90 жашы жете элек бала жана аныкталды, 87 жашы жете элек өспүрүм ата-энесине өткөрүп берилди, 3 бала борборго жеткирилди.
Мындай мыйзам бузууларга жол бербөө боюнча түшүндүрүү иштери жүргүзүлүп, андан соң мыйзамдуу өкүлдөргө өткөрүлүп берилди.
"Бардык аныкталган жашы элек өспүрүмдөр боюнча протоколдор түзүлдү жана тийиштүү каттар алардын жашаган жери боюнча андан ары профилактикалык иштерди жүргүзүү жана социалдык жактан колдоо үчүн жиберилет",-деп айтылат маалыматта.
