Бишкек, 10.03.26. /Кабар/. Бишкекте 14-марттан 18-мартка чейин Индия киносунун күндөрү өтөт. Бул тууралуу Индиянын Кыргызстандагы элчилиги билдирди.
Иш-чара Индия элчилиги тарабынан Кинематография департаменти жана "Кыргызтасмасы" мамлекеттик киноборбору менен биргеликте уюштурулууда.
Программасы
- 14-март, саат 12:00: Т. Абдумомунов атындагы кыргыз улуттук академиялык драма театрында ачылыш аземи жана "Каухар" ансамблинин аткаруусунда "Болливуд ритмдери" бий шоусу болот.
- 15-18-март: Кино үйүндө индиялык тасмалардын акысыз көрсөтүүсү өтөт (башталышы күн сайын саат 12:00дө).
Көрсөтүлө турган тасмалар:
- 15-март: "Мэри Ком" – белгилүү боксчу айымдын жашоосу тууралуу драма.
- 16-март: "Чурка, Милка, чурка" – спортчу Милкха Сингхтин ийгиликке карай жолу.
- 17-март: "Бумбанын жолу" – жалгыз окуучусу бар чакан мектеп тууралуу окуя.
- 18-март: "Командир" – параддын командачысы болууну кыялданган өспүрүм жөнүндө тасма.
Белгиленгендей, киного кирүү акысыз. Көрүүчүлөр орундуктарга келген кезегине жараша жайгаштырылат.
