Бишкек, 11.08.25. /Кабар/. 11-13-августта Бишкек шаарында II эл аралык "Курак" фестивалы өтүүдө.
Маданият, маалымат, спорт жана жаштар саясаты министрлигинен билдиришкендей, бул кундөрү Бишкек дүйнөлүк курак өнөрүнүн борборуна айланат.
Фестивалды "СКерамос" ЖЧКсы жана Билим берүү демилгелерин колдоо фонду Маданият, министрлигинин колдоосу менен уюштурууда.
Курак — бул жөн гана кол өнөрчүлүк эмес, Борбор Азиянын маданий коду. Түркүн түстөгү жана ар түрдүү фактурадагы кездемелерден куралган жаркын полотнолор муундардын тарыхын баяндайт. Фестивалда 10 өлкөнүн усталары өз эмгектерин көрсөтүп, мастер-класстарды өткөрүшүп, текстиль калдыктарын кайра иштетүү боюнча тажрыйба алмашышат.
Фестивалдын негизги максаты:
- билим берүү жана инклюзия — жаштарды, майыптыгы бар жарандарды жана "Одинокая старость" долбоорунун катышуучуларын чыгармачылыкка тартуу;
- эко — калдыктарды кайра иштетүү маданиятын жайылтуу;
- этно — курактын уникалдуу маданий мурасын сактоо жана өнүктүрүү.
Бүгүн фестивалдын ачылышы өтүп, анын алкагында катышуучу өлкөлөрдүн желектер парады, Кыргызстан, Казакстан, Өзбекстан, Азербайжан жана Тажикстандын кол өнөрчү жана усталардын долбоорлорун тааныштыруу, Курактан шыктанган автордук коллекциялардын мода көрсөтүлдү.
Ошондой эле "Салттарды өрүп, туруктуу келечекти жаратуу!" аттуу маданият аралык долбоор жана эл аралык курак полотносун жаратуу эмгеги өтүп, "ЭкоЭтноКурак 2022" тасмасы көрсөтүлдү.
Фестиваль 12-13-август күндөру уланат.
