Бишкек, 10.03.25. /Кабар/. Борбор калаадагы Раатбек Санатбаев атындагы дене тарбия-ден соолукту чыңдоо комплексинде эркин күрөш боюнча U-17 жаш өспүрүмдөр арасында шаар биринчилиги өттү.
Мэриядан билдиришкендей, турнирде Бишкектин эң мыкты жаш балбандары күч сынашып, жогорку деңгээлдеги даярдыгын, жеңишке болгон умтулуусун жана күчтүү кулк-мүнөзүн көрсөтүштү.
65 кг салмак категориясындагы жыйынтыктар:
Калыбеков Алтынбек (2009-ж.т.) – 1-орун;
Муканбетов Түгөлбай; (2009-ж.т.) – 2-орун
Абдыкалыков Марат (2009-ж.т.) – 3-орун;
Сардарбеков Каниет (2008-ж.т.) – 3-орун.
Жеңүүчүлөр жана байге ээлери кубок, медаль жана дипломдор менен сыйланышты.
Белгилей кетсек, сынакты Бишкек шаарынын мэриясынын дене тарбия жана спорт, туризм жана жаштар менен иштөө боюнча департаменти уюштурду.
"Мелдештин негизги максаты – шаар боюнча мыкты спортчуларды аныктап, аларды Кыргызстандын чемпионатына даярдоо. Бул турнир катышуучулар үчүн тажрыйба топтоого мүмкүнчүлүк түзүп, өз күчүн сыноо жана спорттук карьерасында жаңы баскычка көтөрүлүүгө дем-шык берди",-деп айтылат маалыматта.
