Бишкек, 04.03.25. /Кабар/. Бишкек шаарынын грек-рим күрөшү боюнча жаштар арасындагы биринчилиги өттү.
Мэриядан билдиришкендей, Раатбек Санатбаев атындагы ӨРАБӨМдүн спорттук комплексинде U-15 жана U-17 жаш курактагы балдар арасында Бишкек шаарынын грек-рим күрөшү боюнча биринчилиги өттү.
Белгиленгендей, бул мелдеш Кыргыз Республикасынын чемпионатына даярдыктын маанилүү этабы болуп, мелдешке катышуу укугуна ээ болушат.
Шаар биринчилиги күчтүү балбандарды чогултуп, жогорку жыйынтыктарды көрсөтүүгө мүмкүнчүлүк берди. Жеңүүчүлөр жана байгелүү орундарды ээлеген спортчулар кубок, медаль жана дипломдор менен сыйланышты.
Эске салсак, аталган мелдешти Бишкек шаарынын мэриясынын Дене тарбия жана спорт, туризм жана жаштар менен иштөө боюнча департаменти уюштурду.
