Бишкек, 04.04.25. /Кабар/. Күн мурун Бишкекте грек-рим күрөшү боюнча өспүрүмдөр (U-15) арасында Ауэз Ордобаевдин жаркын элесине арналган эл аралык мелдеш жыйынтыкталды.
Дене тарбия жана спорт мамлекеттик агенттигинен билдиришкендей, мелдешке республиканын бардык аймактарынан келген 253 спортчу катышты.
Жеңүүчүлөргө "Тайманбас" Олимпиадалык резервдеги адистештирилген балдар өспүрүмдөр мектеби тарабынан тиешелүү даражадагы диплом жана медалдар тапшырылды.
