Бишкек, 20.08.25 /Кабар/.Бүгүн борбор калаада "Дүйнөнү өзгөрткөн аял-лидер" форуму өтүүдө. Иш-чарага Кыргызстан менен Өзбекстандын көрүнүктүү айымдары чогулду. Алардын арасында Кыргызстандын биринчи айымы Айгүл Жапарова, Өзбекстандын президенттик администрациясынын жетекчиси Саида Мирзиёева, Жогорку Кеңештин төрагасынын орун басары Жылдыз Садырбаева бар.
Форумга ошондой эле илим жана билим берүү, медицина, маданият, искусство, спорт жана ишкерлик тармагындагы лидер айымдар катышып, тажрыйбалары менен бөлүшүүдө.
