Бишкек, 21.11.25. /Кабар/. Бишкекте залкар жазуучу Чыңгыз Айтматовдун керемет дүйнөсүнө жол ачкан "Чыңгыз Айтматов планетасы" аттуу оюн-зоок менен коштолгон интеллектуалдык иш-чара (квиз) өтөт.
Уюштуруучулар билдиришкендей, оюн 27-ноябрда саат 15:00дө Жусуп Баласагын атындагы КУУнун башкы корпусундагы чоң залында өтөт.
Иш-чаранын программасы:
- Айтматовдун турмуш жолу боюнча "орбиталык" саякат;
- анын романдары менен повесттеринин "материктерине" конуу;
- киноленталарын, чыгармаларынын үн дүйнөсүн изилдөө;
- дүйнөлүк адабиятка из калтырган легендарлуу каармандар менен «жүзмө-жүз» таанышуу.
Бул квиз — экзамен эмес, жазуучунун керемет дүйнөсүнө кызыктуу саякат. Айрым чыгармаларды толук окуп жетишпегендер үчүн да тапшырмалар жеңилдетилген логикалык суроолор, визуалдык табышмактар жана аудио-белгилер менен коштолот.
