Бишкек, 14.04.25. /Кабар/. Бишкекте Советтер Союзунун Баатыры Чолпонбай Түлөбердиевдин 103 жылдыгына арналган эскерүү жыйыны өттү.
Муниципалитеттен билдиришкендей, иш-чара Улуу Ата Мекендик согушта эркиндик жана тынчтык үчүн жанын берген баатырдын элесин түбөлүккө калтыруу максатында уюштурулду.
Иш-чарада Кыргызстандын Улуттук гвардиясынын биринчи башкы колбашчысы Абдыгул Чотбаев сөз сүйлөдү.
Катышуучулар Чолпонбай Түлөбердиевдин элесин бир мүнөт унчукпай туруу менен эскерип, эстеликке гүл коюшту.
