Бишкек, 21.10.25 /Кабар/. Бүгүн Бишкекте Борбор Азия аймактык экономикалык кызматташтык (ЦАРЭС) уюмунун ишкер айымдарынын форуму өтүп жатат.
Иш-чара гендердик багыттагы жашыл инновацияларга жана аялдардын лидерлиги уюмдун аймагында кандайча туруктуу келечекти түзүп жатканына арналган.
Өзгөчө көңүл "Жашыл инновациялар" көргөзмөсүнө бурулду, анда туруктуу өнүгүү маселелерин чечүү үчүн күн панелдери, инверторлор, саман үйлөрдүн моделдери, шамал энергетикасы технологиялары жана башка инновациялык чечимдер көрсөтүлүүдө.
Белгилей кетсек, ЦАРЭС программасына 11 өлкө кирет: Кыргызстан, Казакстан, Өзбекстан, Тажикстан, Азербайжан, Монголия, Пакистан, Түркмөнстан, Грузия, Афганистан жана Кытай.
