Бишкек, 13.06.25. /Кабар/. Бүгүн Бишкекте "Жабыр тарткан балдарды эксплуатациядан жана зомбулуктан коргоо боюнча социалдык өнөктөштүк" темасында тегерек стол өттү.
Иш-чараны Эмгек, социалдык камсыздоо жана миграция министрлиги КР балдардын укуктары боюнча ыйгарым укуктуу өкүлүнүн катчылыгы жана "Оазис" фонду менен биргелешип уюштурду.
Тегерек стол Балдар эмгегине каршы күрөшүүнүн Бүткүл дүйнөлүк күнүнө карата уюштурулуп, эмгек эксплуатациясына жана зордук-зомбулукка кабылган балдарды коргоо системасын өркүндөтүү үчүн мамлекеттик органдар менен жарандык коомдун өз ара аракеттенүүсүн күчөтүүгө багытталган.
Тегерек столдо балдарды коргоо чөйрөсүндөгү негизги көйгөйлөр талкууланып, аналитикалык материалдар жана жабырлануучу балдарга жолдомо берүү жана колдоо механизмдерин реформалоо боюнча сунуштар берилди.
БУУнун Балдардын укуктары боюнча комитетинин 2025-2028-жылдарга карата сунуштарын ишке ашыруу боюнча иш-чаралар планын ишке ашырууга өзгөчө көңүл бурулду.
Сессиялардын жүрүшүндө зордук-зомбулукка каршы күрөшүү боюнча институционалдык чаралар, балдар эмгегинин абалына талдоо жана ар кандай кызматтар менен уюмдардын аракеттерин координациялоону жакшыртуу боюнча сунуштар боюнча баяндамалар угулду.
