Бишкек, 07.11.25. /Кабар/. Бишкек шаарынын «Шаардык жол-транспорт инфраструктурасы» муниципалдык ишканасы аялдамаларда токтоп турган унааларды текшерүү боюнча рейд өткөрдү.
Муниципалитеттен билдиришкендей, рейддин жүрүшүндө бир күндүн ичинде аялдамаларда токтоп турган 27 унаа аныкталып, алар айып короосуна сүйрөлүп жеткирилди.
Шаардык бийлик айдоочуларды коомдук транспортко тоскоолдук жаратпоого жана аялдамаларда токтобоого чакырат.
Белгилей кетсек, бул иш-чаранын негизги максаты — коомдук транспорттун үзгүлтүксүз жүрүшүн камсыз кылуу жана жол кыймылынын эрежелеринин сакталуусун көзөмөлдөө болуп саналат.
