Бишкек, 29.10.25 /Кабар/. Мамлекеттик катчы Марат Иманкулов Кыргыз ССРинин эл артисти, кыргыз музыкалык маданиятынын көрүнүктүү ишмери Атай Огонбаевдин 125 жылдыгына арналган иш-чарага катышты.
Марат Иманкулов өз сөзүндө Атай Огонбаевдин кыргыз музыкасынын өнүгүшүнө кошкон зор салымын баса көрсөтүп, анын чыгармачылык мурасы улуттук руханий байлыктын негизи болуп саналаарын өзгөчө белгиледи.
“Атай Огонбаев – кыргыз музыкасынын генийи, элдик обон менен профессионалдык өнөрдү айкалыштырган улуу устат.
Анын мурасы – улуттун үнү жана руханий тиреги. Мындай залкарлардын чыгармалары аркылуу кыргыздын деми түбөлүк жашайт”, – деди Марат Иманкулов.
