Бишкек, 20.05.26 /Кабар/. Борбор калаада “Доор өзгөрткөн билим” аталышындагы ачык форум өтүп жатат. Иш-чарага агартуу министри Догдуркүл Кендирбаева, Бишкек мэри Айбек Жунушалиев, мугалимдер, ата-энелер жана окуучулар катышууда.
Форум 2025–2026-окуу жылынын жыйынтыгына арналган. Аны Агартуу министрлиги жана Бишкек шаардык мэриясы уюштурууда.
Иш-чаранын алкагында билим берүү тармагындагы реформалар, заманбап окутуу ыкмалары жана жалпы билим берүү системасын жаңылоого багытталган “Алтын казык” программасынын биринчи жылындагы жыйынтыктар талкууланууда.
Мындан тышкары, форумда ата-энелерге өздөрүн кызыктырган суроолорду берип, билим берүү тармагындагы өзгөрүүлөр боюнча пикир алмашууга мүмкүнчүлүк түзүлгөн.
Иш-чара Ала-Тоо 24 каналы аркылуу түз көрсөтүлүүдө.
