Бишкек, 20.10.25. /Кабар/. Бүгүн Х "Art Оrdo – 2025" эл аралык театр фестивалынын ачылыш аземи өттү. Бул тууралуу Маданият, маалымат жана жаштар саясаты министрлигинен билдиришти.
Салтанаттуу аземге маданият министри Мирбек Мамбеталиев, министрдин биринчи орун басары Союзбек Надырбеков, театр ишмерлери жана кызматкерлери катышты.
Фестиваль Улуу Ата Мекендик согуштагы жеңиштин 80 жылдыгына жана КР эл жазуучусу, драматург Мар Байжиевдин 90 жылдыгына карата өткөрүлүүдө.
"Фестивалдын негизги максаты – Улуу Жеңишти даңазалоо, Мар Байжиевдин чыгармачылыгын эскерүү, кыргыз театр өнөрүн өнүктүрүү жана эл аралык деңгээлге чыгаруу, театрлар ортосунда тажрыйба алмашуу, жаш актёрлорду жана чыгармачыл жаңы муунду колдоо.
"Art Ordo" фестивалы 20-25-октябрь төмөнкү төрт театрда саат 11:00до жана 19:00до өтөт.
- Токтоболот Абдымомунов атындагы Кыргыз улуттук академиялык драма театры;
- Чыңгыз Айтматов атындагы Улуттук орус драма театры;
- Бакен Кыдыкеева атындагы жаш көрүүчүлөр театры;
- Шаршен Термечиков атындагы Чүй облустук музыкалык драма жана сатира театры.
Спектаклдер күнүнө эки жолу – саат 11:00дө жана 19:00дө көрсөтүлөт. Бардык көрүүчүлөр келип көрө алат. Фестивалга кирүү акысыз.
