Бишкек 11.06.25 /Кабар/. Кечээ, 10-июнда Т. Абдымомунов атындагы Кыргыз улуттук академиялык драма театры көрүүчүлөргө “Акыркы кат” спектаклин тартуулады. Спектакль залкар жазуучу Чыңгыз Айтматовдун дүйнөдөн кайткан күнүнө карата коюлганын театрдын басма сөз кызматы билдирди.
Чыгармада Чыңгыз Айтматовдун бала кезинде башынан өткөргөн турмуштук сыноолору, ата-энеси — Нагима жанаТөрөкул Айтматовдордун тагдыры аркылуу жазуучунун инсан катары калыптанышына себеп болгон окуялар чагылдырылган.
Белгилей кетсек, жазуучу 2008-жылдын 10-июнунда Германиянын Нюренберг шаарындагы ооруканалардын биринде көз жумган.
