Бишкек, 23.09.25. /Кабар/. Мамлекеттик салык кызматы Ишкерлер күнүнө карата салыктык милдеттенмелерин ак ниеттүүлүк менен аткарган ишкерлерди сыйлады.
Ведомстводон маалымдашкандай, ата мекендик ишкерлер күнүнө карата салыктык милдеттенмелерин жоопкерчилик менен аткаргандыгы жана салык системасын өнүктүрүүгө кошкон салымы үчүн сыйланды.
Салтанаттуу иш-чарада Мамлекеттик салык кызматынын төрагасынын орун басары Мирлан Рахманов ишкерлерге "Салык кызматташтыгын бекемдегендиги үчүн" медалын жана Мамлекеттик салык кызматынын Ардак грамоталарын тапшырып, алардын кошкон салымын белгилеп, кызматташтык үчүн ыраазычылык билдирди.
Мамлекеттик салык кызматы ак ниет салык төлөөчүлөр мамлекеттин ишенимдүү өнөктөштөрү экенин, алар салык тартибин бекемдөөгө жана өлкөнүн социалдык-экономикалык потенциалын өнүктүрүүгө салым кошуп жатканын белгилейт.
