Бишкек, 04.08.26. /Кабар/. Бишкек шаарында жөө жүргүнчүлөрдүн коопсуздугун камсыз кылуу жана жол инфраструктурасын жакшыртуу максатында 6 жерге жер алдындагы жөө адамдар өтүүчү өтмөк курулат.
Муниципалитеттен билдиришкендей, жаңы жер алдындагы өтмөктөр төмөнкү аймактарда курулат:
- Анкара көчөсүндө "Глобус" соода борборунун жанында;
- Ауэзов көчөсүндө, Аламүдүн кичи районундагы №59/2 үйдүн алдында;
- 7-Апрель жана Ой-Терскен көчөлөрүнүн кесилишине жакын жерде;
- Байтик баатыр көчөсүндө курулуп жаткан мечиттин жанында;
- Анкара көчөсүнүн дагы бир тилкесинде;
- Нуркамал жана Аалы Токомбаев көчөлөрүнүн кесилишинде.
"Буга байланыштуу 5-августтан тарта айрым көчөлөрдө унаа кыймылына этап-этабы менен убактылуу чектөөлөр киргизилет", - деп айтылат маалыматта.
