Бишкек, 19.08.26. /Кабар/. Бишкекте 22-августта VI Дүйнөлүк көчмөндөр оюндарынын репетициясына байланыштуу унаа кыймылына убактылуу чектөө киргизилет.
Муниципалитеттен билдиришкендей, саат 10:00дөн 19:00гө чейин төмөнкү көчөлөрдө чектөө киргизилмекчи:
- А. Токомбаев проспектиси — Чортеков көчөсүнөн Б. Алыкулов көчөсүнө чейин;
- Д. Күйүкова көчөсү — Чортеков көчөсүнөн М. Ганди (Муромская) көчөсүнө чейин;
- Эр-Тайлак көчөсү — Чортеков көчөсүнөн Арча-Бешик көчөсүнө чейин;
- М. Ганди көчөсү — А. Токомбаев проспектисинен И. Ахунбаев көчөсүнө чейин.
Бишкек мэриясы иш-чарага байланыштуу жаралган убактылуу ыңгайсыздыктар үчүн кечирим сурайт жана түшүнүү менен мамиле кылууну өтүнөт. Ошондой эле маршрутту алдын ала пландап алууну сунуштайт.
