Бишкек, 29.05.25 /Кабар/. 1-майда Бишкектеги Турдакун Усубалиев аянтында SHORO TAYKŪLŪK KIDS RUN масштабдуу балдар жарышы өтөт.
Мэриядан билдиришкендей, иш-чара бардык жаш категорияларын жана 2 жаштан 16 жашка чейинки балдарды камтыйт.
Катышуучулардын чуркоосу жаш курактарына карата бөлүштүрүлөт:
- 2-5 жаш - 300 метр;
- 6-8 жаш - 500 метр;
- 9-12 жаш - 1 км;
- 13-16 жаш - 3 км.
Ал эми, көрүүчүлөр жана коноктор үчүн фуд-корт, оюн аянтчалары, сахна, улуттук кийимчен аниматорлор менен старт шаарчасы уюштурулат. Ошондой эле артисттердин спектаклдери, сынактар жана майрамдык программа пландаштырылган.
Жарыштын маршруту Абдумомунов көчөсү менен өтөт. Милиция кызматкерлери коопсуздукту көзөмөлдөп, марада тез жардам станциясы нөөмөттө турат.
Иш-чарага байланыштуу 31-май күнү саат 07:00дөн 21:00гө чейин №1 жарым экспресс-автобустун каттамы өзгөрөт.
