Бишкек, 23.07.26. /Кабар/. Бишкектеги "Тунгуч" театрында көп балалуу энелерге мамлекеттик сыйлыктарды тапшыруу аземи өттү.
Муниципалитеттен билдиришкендей, анда президенттин атынан сыйлыктарды Бишкек шаарынын мэри Айбек Жунушалиев тапшырды.
Жалпы 181 көп балалуу эне мамлекеттик сыйлыкка татыктуу болуп, алардын 92сине "Баатыр эне" ордени, 89уна "Эне даңкы" медалы ыйгарылды.
Айбек Жунушалиев энелерди куттуктап, алардын балдарды татыктуу тарбиялоодогу эмгегин жогору баалап, үй-бүлө коомдун негизги тиреги экенин белгиледи. Ал ошондой эле энелерди колдоо жана балдардын сапаттуу билим алып, коопсуз шартта чоңоюшу үчүн көрүлүп жаткан иштер улантыларын айтты.
Салтанат концерттик программа менен жыйынтыкталды.
