Бишкек 21.04.25 /Кабар/. Бишкекте тазалоо жана көрктөндүрүү боюнча жарыяланган эки айлыктын алкагында 19-апрелде ишембилик өтүп, ага 38081 адам катышты.
Жыйынтыгында борбордун 391,5 гектар аймагы таштандыдан тазаланды.
Таштанды чыгарууга 102 даана атайын техника тартылып, 378,10 тонна таштанды чыгарылды.
Тазалоо иштеринин жүрүшүндө 20356 погон метр сугат тармактары тазаланды.
Эскерте кетсек, шаарды көрктөндүрүү боюнча эки айлык акция 2025-жылдын 17-майына чейин уланат.
