Бишкек, 15.08.25. /Кабар/. Күн мурун "Кыргызкөмүр" мамлекеттик ишканасынын Балыкчы шаарындагы автоколоннасы Бишкек ЖЭБине көмүр ташып келүү үчүн Кара-Кече көмүр кенине жөнөп кетти. Бул тууралуу
Кыргыздын салтына ылайык, аксакалдар батасын берип колоннаны көмүр кенине жөнөтүштү. Учурда техника Кара-Кечедеги унаа токтоочу жайга келип, жүктөө иштерин баштоого даярдык көрүшүүдө.
Республиканын кендеринен көмүрдү үзгүлтүксүз ташуу Бишкек ЖЭБин алдыдагы күз-кыш жылытуу мезгилине өз убагында даярдоого жана борбор калаанын жашоочуларын туруктуу жылуулук менен камсыздоого мүмкүндүк берет.
Белгилей кетсек, "Кыргызкөмүр" мамлекеттик ишканасы өлкөнүн отун-энергетикалык коопсуздугу жаатындагы мамлекеттик милдеттерди аткарууну улантууда.
