Бишкек, 07.11.25. /Кабар/. Бишкек шаарын жана Чүй облусун газдаштыруу үчүн 10,94 млн сом жеңилдетилген насыя берилди.
Финансы министрлигинен билдиришкендей, насыя 88 каржылоо субъектисине берилди.
Жеңилдетилген насыя берүүгө "Айыл Банк" жана "Элдик Банк" ААКтар катышууда. Аларды кредиттөөнүн көлөмү 200 млн сомду түзөт.
Белгилей кетсек, министрлер кабинетинин 2025-жылдын 28-апрелиндеги №349-токтому менен "Бишкек шаарын жана Чүй облусун газдаштыруу боюнча жеңилдетилген каржылоо-3 долбоорун бекитүү жөнүндө" долбоору бекитилген.
Долбоор Бишкек шаарын жана Чүй облусун газдаштыруу боюнча иштерди жүргүзүүгө мамлекеттик колдоо көрсөтүү максатын көздөйт.
