Бишкек, 05.01.26. /Кабар/. Бишкек – Ош унаа жолунун Өтмөк тилкесинде жана Ала-Бел ашуусунда кар көчкүлөрү мажбурлап түшүрүлдү. Бул тууралуу ӨКМден билдиришти.
Бул иш-чара адам өмүрүнүн коопсуздугун сактоо үчүн уюштурулуп, ага ӨКМдин Чүй облусу боюнча башкармалыгынын ыкчам тобу жана Коргоо министрлигинин артиллериялык эсеби катышты.
Натыйжада унаа жолдун 198-чакырымында 12 250 куб метр кар көчкүсү түшүрүлүп, №9 Жол тейлөө ишканасы тарабынан толук тазаланды.
Ал эми Бишкек – Ош унаа жолунун Жалал-Абад облусунун белгиленген тилкелеринде 5-февраль күнү улантылмакчы.
Кошумча маалымат берилет.
