Бишкек, 09.09.25. /Кабар/. Чүй облусунун аймагында Бишкек – Ош жана Бишкек – Нарын – Торугарт эл аралык маанидеги унаа жолдорунда изилдөө жана кароо иштери жүргүзүлдү.
ИИМдин Жол кыймылынын коопсуздугун камсыздоо башкы башкармалыгынан билдиришкендей, изилдөө жана кароо иштери түнкүсүн жол-транспорт кырсыктарын азайтуу жана жаш өспүрүмдөрдүн катышуусундагы кырсыктарды болтурбоо максатында жүргүзүлдү.
Изилдөөнүн жыйынтыгында түнкүсүн жарыгы жок жана өчүк аймактар аныкталып, бул кемчиликтерди жоюу максатында тиешелүү мекемелердин жетекчилерине эскертүү жазма буйруктар берилди.
