Бишкек, 05.03.26. /Кабар/. Бишкек – Нарын – Торугарт автожолунун 297-305-чакырым аралыгына түшкөн кар көчкү тазаланып, учурда жол ачылды.
Транспорт жана коммуникациялар министрлигинен билдиришкендей, азыркы тапта аталган тилкеде унаалар үчүн эки тараптуу каттам камсыздалды.
"Бирок, аталган жол тилкесинде кар көчкү түшүү коркунучу дагы деле сакталууда. Кандайдыр бир өзгөчө кырдаал жаралган учурда жол тейлөө ишканалары тарабынан керектүү атайын техникалар жана жолчулар даяр турат", - деп айтылат маалыматта.
Министрлик жол кыймылынын катышуучуларынан сак болууну жана жол коопсуздугунун эрежелерин так сактоону өтүнөт.
