Бишкек, 05.03.26 /Кабар/. Бишкек – Нарын – Торугарт жолунун 304-чакырымындагы Кара-Үңкүр тилкесине түшкөн кар көчкүнү тазалоо иштери токтоосуз жүрүп жатат. Бул тууралуу Транспорт жана коммуникациялар министрлигинен билдиришти.
Белгилей кетсек, бүгүн саат 11:00 чамасында жолдун аталган бөлүгүнө кар көчкү түшкөн.
"Учурда жолду тазалап, ачуу үчүн №41 жол тейлөө мекемесинин атайын техникалары тынымсыз иш алып барууда",- деп айтылат маалыматта.
