Бишкек, 10.07.25. /Кабар/. Бишкек – Нарын – Торугарт унаа жолунун 245-262-264- чакырымына түшкөн таштар тазаланды. Бул тууралуу Транспорт жана коммуникациялар министрлигинен билдиришти.
Маалыматка караганда, жолду тазалоо иштери № 955 Жол тейлөө ишканасы тарабынан ыкчам жүргүзүлдү. Жерине бир даана погрузчик жана автогрейдер техникасы тартылган.
Учурда каттам бар, жол ачык.
Белгилей кетсек, 9-июль күнү катуу жааган жамгырдын кесепетинен Бишкек – Нарын – Торугарт унаа жолунун 245–262-264-чакырымдар аралыгында сел жүрүп, жолго таштар кулаган.
