Бишкек, 17.02.26. /Кабар/. Бишкек – Нарын – Торугарт унаа жолуна кар көчкү түштү. Бул тууралуу Транспорт жана коммуникациялар министрлигинен билдиришти.
Кар көчкү аталган унаа жолдун 291-чакырымындагы Кара-Үңкүр капчыгайына түшкөн.
Учурда жол бир тараптуу ачык, унаалар кезек менен өткөрүлүүдө.
"Кар көчкүнүн так көлөмү аныкталууда. Жеринде №41 Жол тейлөө ишканасынан техникалар тартылып, тазалоо иштери жүрүүдɵ",-деп айтылат билдирүүдө.
