Бишкек, 05.08.26 /Кабар/. Бишкек шаарынын мэри Айбек Жунушалиев 2026-жылдын башынан бери 600дөн ашуун шаар тургунун жеке кабыл алды. Бул тууралуу мэрия билдирди.
Маалыматка ылайык, кабыл алууларда жер тилкелери, жолдорду оңдоо, коммуналдык кызматтар, коомдук транспорт жана шаарды көрктөндүрүү маселелери көтөрүлгөн.
Мындан тышкары, жыл башынан бери борбор калаада тургундар менен 22 көчмө жолугушуу өткөрүлүп, анын жыйынтыгында 1 700дөн ашуун кайрылуу тиешелүү кызматтардын кароосуна алынган.
