Бишкек, 24.07.26. /Кабар/. Бишкек мэри Айбек Жунушалиев көчмө жыйын өткөрүп, анын жүрүшүндө коомдук жайларды көрктөндүрүү, сейил бактардын абалы жана социалдык объекттердин курулушунун жүрүшү менен таанышты.
Муниципалитеттен билдиришкендей, мэр Кыргызстан менен Азербайжандын Достук сейил багы жана "Байтик" паркына барды.
Текшерүү учурунда борбор калаанын башчысы ижарачылардын колдонуусунда болгон сейил бактардын абалын сынга алды.
Айбек Жунушалиев жооптуу кызматтарга аныкталган бардык мыйзам бузууларды четтетүү жана аймактарды тиешелүү абалына келтирүү үчүн ижарачыларга бир жумалык мөөнөт берүүнү тапшырды.
Талаптар аткарылбаган учурда белгиленген тартипте ижара келишимдерин ырастоо маселесин кароо тапшырылды.
