Бишкек, 31.07.26. /Кабар/. Бишкек шаарынын мэри Айбек Жунушалиев курулушу узак убакыттан бери аяктай элек эки объектти текшерип, иштерди жандандыруу үчүн бир айлык мөөнөт белгиледи.
Муниципалитеттен маалыматына ылайык, мэр Орозбеков көчөсү, 72 дарегиндеги Ala Tower көп функционалдуу борборунун жана Байтик баатыр көчөсүндөгү көп кабаттуу турак жайлардын курулушу менен таанышты.
Ala Tower объектисинин курулушу 2024-жылы башталган. Ал эми Байтик баатыр көчөсүндөгү объект 2014-жылдан бери толук бүтө элек.
Шаар башчысы курулуш иштерин тездетүүнү талап кылып, белгиленген мөөнөттө иштер жанданбаса, мыйзам чегинде чара көрүү, анын ичинде келишимдерди кайра кароо маселесин кароону тапшырды. Объектилердин абалы мэрия тарабынан өзгөчө көзөмөлгө алынат.
