Бишкек, 23.02.26. /Кабар/. Бишкек – Күнтуу – Шопоков унаа жолун реконструкциялоо боюнча пландалган иштер учурда кызуу уланууда. Бул тууралуу Транспорт жана коммуникациялар министрлигинен билдиришти.
Маалыматка ылайык, бүгүнкү күндө жолдун 6,7-чакырымынан тарта жолду кеңейтүү жана бактарды кыюу иштери жүргүзүлүүдө.
Аталган унаа жолдун жалпы узундугу 12,4 чакырымды түзөт. Ал эми 2025-жылы жолдун 6,7 чакырымына асфальттын биринчи катмары төшөлгөн. Күнтуу айылынын ичиндеги узундугу 2,7 чакырым болгон тротуар, лоток жана суу түтүктөрүн орнотуу иштери асфальтка чейин толук аяктаган.
Долбоордо жолду төрт тилкеге чейин кеңейтүү, тротуарларды салуу, жарык берүүчү чырактарды орнотуу жана мурда кыйылган бактардын ордуна жаңы көчөттөрдү отургузуу сыяктуу иштер камтылган.
