Бишкек, 18.08.26. /Кабар/. Кыргызстанда жарандар кышкы жылытуу мезгилине алдын ала даярданып, көмүр сатып ала баштады. Бул тууралуу "Кыргызкөмүр" ААКтан билдиришти.
Маалыматка ылайык, акыркы бир жумада Чүй, Ысык-Көл облустарында жана Бишкек шаарында 2 миң тоннага жакын көмүр сатылган.
Ишкана жарандарды көмүрдү суроо-талап күчөгөн мезгилге калтырбай, жылытуу мезгилине алдын ала камдап алууга чакырды.
Белгиленгендей, көмүр сатылган базалардын даректери жана байланыш номерлери "Кыргызкөмүрдүн" расмий социалдык тармактарындагы баракчаларында жана 2GIS тиркемесинде көрсөтүлгөн.
