Бишкек, 04.07.26. /Кабар/. Жол кыймылынын коопсуздугун камсыздоо башкы башкармалыгы 29-июндан 4-июлга чейин жол эрежесин бузуу фактылары тууралуу маалымат таратты.
Ага ылайык, алдын ала маалымат боюнча, өлкө аймагында 24 985 жол эрежесин бузуу фактысы аныкталган.
Алардын ичинен:
- Тийиштүү документтери жок транспорт каражаттарын башкаруу — 2 539;
- Мас абалында транспорт каражатын башкаруу — 362;
- Автоунаалардын айнектерин мыйзамсыз караңгылатуу — 193;
- Жөө жүргүнчүлөр тарабынан жол эрежелерин бузуу — 1 238;
- Транспорт каражаттарын эксплуатациялоо эрежелерин бузуу — 4 502;
- Автоээнбаштык — 52;
- Белгиленген ылдамдык чектөөсүн ашыруу — 2 135;
- Жалган мамлекеттик номер белгиси менен транспорт каражатын башкаруу — 6;
- Башка жол эрежелерин бузуу фактылары — 9 267.
Ар кандай жол эрежелерин бузгандыгы үчүн 4 691 автоунаа убактылуу токтотулуучу айып короо жайына токтотулду.
