Бишкек, 12.09.25 /Кабар/. Бүгүн, 12-сентябрь күнү, Алай районунун Калама жайлоосунда Алымбек датка Асанбий уулунун 225 жылдык мааракесине карата өткөн салтанаттуу иш-чарада жети жаранга “Ош облусунун ардактуу атуулу” наамы ыйгарылды.
Президенттин аймактагы өкүлчүлүгүнөн билдиришкендей, алардын ар бири Ош облусунун социалдык-экономикалык өнүгүүсүнө кошкон салымы жана көп жылдык үзүрлүү эмгеги үчүн сыйланды.
Ардактуу наамдын ээ болгон жарандар:
- Сүйүнбек Касмамбетов — мурдагы Мамлекеттик катчы;
- Нурбек Алимбеков — Жогорку Кеңештин депутаты;
- Түгөлбай Казаков — Кыргыз Республикасынын Эл артисти;
- Аккулу Бердиев — Жогорку Кеңештин депутаты;
- Динара Ашимова — Жогорку Кеңештин депутаты;
- Жанарбек Акаев — Жогорку Кеңештин депутаты;
- Асанбек Тороев — жеке ишкер.
Сыйлыктарды президенттин Ош облусундагы өкүлү Элчибек Жантаев тапшырып, сыйланган жарандарды куттуктап, алардын эл-жерге сиңирген эмгегине терең ыраазычылык билдирди.
