Бишкек, 28.01.25. /Кабар/. Билим берүү жана илим министри Догдуркүл Кендирбаева иш сапарынын алкагында Москвадагы алдыңкы деп эсептелген "Энергия" мектебине барды.
Ведомстводон маалымдашкандай, министр мектептин ишмердиги, анын ичинде билим берүү жаатындагы тажрыйбалары жана көндүмдөрү менен жакындан таанышты.
Ошондой эле Кендирбаева аталган мектептин Гамма инженердик корпусуна да баш багып, заманбап илимий лабораторияларын көрүп чыкты.
Кошумчалай кетсек, "Энергия" мектеби орто билим берүүчү мамлекеттик окуу жай болуп саналат. Мектеп "Альфа", "Бета", "Гамма" сыяктуу окуу корпустарынан турат.
