Бишкек, 18.05.26 /Кабар/. Бүгүн Эл аралык музейлер күнүнө карата Бишкек шаарында "Музейлер түнү" акциясы өтөт.
Борбор калаанын муниципалитетинен билдиришкендей, шаардагы музейлерде саат 18:00дөн 00:00гө чейин ар кандай маданий иш-чаралар: мастер-класстар, адабий кечелер, экскурсиялар, көргөзмөлөр жана чыгармачылык жолугушуулар уюштурулат.
Маданий иш-чаралардын толук программасы:
Исхак Раззаковдун үй-музейи (Чуйков көчөсү, 90):
- "Кыргыз Руху" фольклордук ансамблинин жана "Акак" комузчулар ансамблинин артисттеринин аткаруусундагы концерттик программа;
- көрүнүктүү мамлекеттик ишмер Исхак Раззаковго арналган даректүү фильмдин көрсөтүлүшү;
- И. Раззаков атындагы КМТУнун студенттери тарабынан даярдалган атайын презентация.
О. М. Мануйлованын мемориалдык үй-музейи (К. Тыныстанов көчөсү, 108):
- Т. Садыков атындагы Кыргыз улуттук көркөм сүрөт академиясынын 4–5-курсунун студенттери менен биргеликте чоподон буюм жасоо боюнча мастер-класстар;
- О. М. Мануйлованын өмүрү жана чыгармачылыгына арналган видеофильмдин көрсөтүлүшү;
- керамикалык сувенирлерди боёо иш-чарасы;
- Абай Насиридин жана Чынтемир Жыргалбек уулунан карандаш менен сүрөт тартуу техникасы боюнча мастер-класс;
- Өмүрбек Каратаев менен Амантур Иманалиевден чопо менен иштөө техникасы боюнча мастер-класстар.
С. А. Чуйковдун мемориалдык үй-музейи (Чуйков көчөсү, 87а):
- музей боюнча атайын экскурсия: СССРдин эл сүрөтчүсү Семен Афанасьевичтин, РСФСРдин эмгек сиңирген сүрөтчүсү Евгения Алексеевна Малеинанын жана венгер скульптору Ласло Месароштун өмүрү, чыгармачылыгы тууралуу баян, ошондой эле "С.А. Чуйков" даректүү тасмасынын көрсөтүлүшү;
- "Смартфон, крафт, уголь" көргөзмөсүнүн автору В.Ф. Руппель менен чыгармачылык маектешүү;
- кебезден козучак оюнчугун жасоо боюнча улуттук мастер-класс;
- керамикалык буюмдарды боёо боюнча таанышуу сабагы.
Суймөнкул Чокморовдун музей-өнөрканасы (Токтогул көчөсү, 170):
- сүрөт тартуу өнөрү боюнча ачык мастер-класс;
- СССРдин эл артисти, белгилүү сүрөтчү жана актёр С. Чокморовдун өмүрү жана чыгармачылыгы тууралуу музей ичиндеги экскурсия жана даректүү фильмдин көрсөтүлүшү.
Токтогул Сатылганов атындагы Адабият музейи (Токтогул көчөсү, 109):
- Токтогул Сатылгановдун унутта калган күүлөрүн аткаруу, өлкөгө белгилүү жазуучу жана акындардын чыгармаларын, ырларын көркөм окуу кечеси.
Чолпонбай Түлөбердиев атындагы көргөзмө зал-галереясы (Ч. Түлөбердиев атындагы сейил багында):
- Бишкек шаарындагы №27, №75 орто мектептеринин окуучулары жана шаар тургундары үчүн тарыхый таанышуу экскурсиясы.
Аалы Токомбаевдин мемориалдык үй-музейи (Чуйков көчөсү, 109):
- эл акыны А. Токомбаевдин өмүрү жана бай адабий мурастарына арналган тереңдетилген экскурсия;
- адабий окуулар жана атайын даярдалган музыкалык программа;
- коноктор үчүн интерактивдүү аянтча жана кызыктуу суроо-жооп викторинасы.
Гапар Айтиевдин музей-өнөрканасы (К. Тыныстанов көчөсү, 78):
- кыргыз сүрөт өнүрүнүн атасы Г. Айтиевдин өмүр жолуна жана чыгармачылыгына арналган таанышуу экскурсиясы.
