Бишкек, 26.02.26. /Кабар/. Базар-Коргон районунда мыйзамсыз түрдө жеке менчикке өтүп кеткен жер тилкеси муниципалдык менчикке кайтарылды. Бул тууралуу Башкы прокуратурадан билдиришти.
Маалыматка ылайык, райондук прокуратура тарабынан жер мыйзамдарынын аткарылышына текшерүү жүргүзүлгөн. Анын алкагында 2006-жылы 1-Май айылында жалпы аянты 9,2 гектар айыл чарба багытындагы жер мыйзам бузуу менен жеке тараптардын менчигине берилип кеткени аныкталган.
"Көрүлгөн прокурордук чаралардын натыйжасында, базар баасы 7 млн 763 миң сомду түзгөн аталган жер тилкеси толугу менен муниципалдык менчикке кайтарылды", — деп айтылат маалыматта.
