Бишкек, 10.10.25. /Кабар/. Баткендеги Кызыл-Кыя шаардык маданият үйү жаңыланат. Бул тууралуу Баткен облусунун башчысы Айбек Шаменов Кызыл-Кыя шаарына иш сапары менен барып, бир катар обьекттерди абалы менен таанышканда белгилүү болду.
Өкүлчүлүктөн билдиришкендей, анда облус жетекчиси Кызыл-Кыя шаардык маданият үйүн капиталдык оңдоп-түзөөдөн өткөрүү же жаңыдан куруу боюнча сунушун айтып, долбоордук сметалык документтерди даярдоону тапшырды.
Ошондой эле имараттын айланасын жашылдандырып,максаттуу пайдалануу керектигин белгиледи.
Шаар жетекчилиги алдыда имаратты чыгармачылык борборго айлантуу пландалганын айтты.
Маданият мекемесинде таланттуу балдарды тарбиялоо үчүн заманбап шарттарды түзүү, балдардын музыкалык мектеби, китепкана, музей сыяктуу маданий мекемелердин борборуна айлантуу тууралуу сунуштар колдоого алынды.
