Бишкек, 07.02.25. /Кабар/. Баткен облусунда 2024-жылдын жыйынтыгы менен 5 айыл өкмөтү дотациядан чыкты. Бул тууралуу облустун 2024-жылдагы социалдык-экономикалык өнүгүүнүн жыйынтыктыгын чыгарган жыйында айтылды.
Жыйынга президенттин Баткен облусундагы өкүлү Айбек Шаменов баштаган коллегия мүчөлөрү, облус активи катышты.
Коллегияда облустун экономикалык жана социалдык тармактарында аткарылган иштер боюнча кеңири маалымат берилип, суроо-жооп менен маселелер кеңири талкууланды.
Өткөн жылдын жыйынтыгы менен облус бардык багыттарда белгиленген планды ашыгы менен аткарган.
Беш айыл өкмөтү дотациядан чыккан. Алар Кадамжай районунун Масалиев, Майдан, Ак-Турпак, Исхак-Полотхан,Үч-Коргон айыл аймактары.
Коллегиянын жүрүшүндө облус башчысы Айбек Шаменов облусту өнүктүрүү боюнча жетекчилерге бир катар тапшырмаларды койду.
Коллегиянын соңунда жылдын жыйынтыгы менен “Мыкты район” Кадамжай району, ”Мыкты шаар” Кызыл-Кыя шаары деп табылды.
