Бишкек, 17.07.26 /Кабар/. Баткен шаарында жашы жете электер арасындагы укук бузуулардын алдын алуу жана коомдук коопсуздукту камсыздоо максатында түнкү рейд уюштурулду. Бул тууралуу мэрия билдирди.
Маалыматка ылайык, рейд учурунда шаардагы сейил бактар, коомдук жайлар, көңүл ачуучу жайлар, соода түйүндөрү жана жарандар көп чогулган аймактар текшерилди.
Анын жүрүшүндө жашы жете электерге жана ата-энелерине балдардын коопсуздугу, мыйзам талаптарын сактоо жана түнкү убакта көзөмөлсүз жүрүүнүн алдын алуу боюнча түшүндүрүү иштери жүргүзүлдү.
