Бишкек, 22.08.25. /Кабар/. Баткенде тоо койнуна эс алуу жайы курулду
Президенттин Баткен облусундагы өкүлчүлүгүнөн билдиришкендей, Баткен районунун Бөжөй айылында ачылган “Ак-Саамай-Ата” эс алуу жайы “Мурзакарим” жоопкерчилиги чектелген коому тарабынан курулду.
Бүгүн аталган жайдын ачылуу аземи өтүп, ага Жогорку Кеңештин депутаты Ырысбек Атажанов, облус башчысы Айбек Шаменов баштаган жетекчилер, айыл тургундары катышты.
Айбек Шаменов жергиликтүүлөрдү бул саамалык менен куттуктап, эс алуу жайынын ачылышы туристтик агымды көбөйтүп, аймактын социалдык-экономикалык өнүгүүсүнө салым кошот деген ишеничин билдирди.
Жеке ишкер курулушка 8 млн сом инвестиция салган.
Эс алуу жайынын курулушу, табигатта эс алуучулар үчүн шарттарды жакшыртууга жана аймактагы туризмди өнүктүрүүгө багытталган.
