Бишкек 18.07.25 /Кабар/. Баткенде тергөөчүлөрдүн кесиптик чеберчилигин арттырууга багытталган окутуудан өтүүдө. Бул тууралуу облустук милициянын басма сөз кызматынан билдиришти.
Маалыматка ылайык, иш-чара Баткен облустук ички иштер башкармалыгынын Тергөө кызматынын жетекчилиги тарабынан уюштурулуп, ага облус аймагындагы шаардык жана райондук ички иштер бөлүмдөрүнүн тергөөчүлөрү катышууда.
Окутуунун жүрүшүндө кызматкерлерге кылмыш иштери боюнча материалдарды мыйзам талаптарына ылайык топтоо, далилдерди бекемдөө, тергөө иштеринин так жана сапаттуу жүргүзүү жолдору үйрөтүлүүдө. Сабактарда теория менен практика айкалышып, реалдуу кырдаалдар негизинде машыгуулар өткөрүлүүдө.
Бул демилге тергөөчүлөрдүн кесиптик деңгээлин жогорулатып, Баткен облусунда коомдук тартип менен коопсуздукту камсыздоодо маанилүү кадам болуп саналат.
