Бишкек, 02.10.25. /Кабар/. Баткенде “Шамал өрөөнү” сүрөт көргөзмөсү өтүүдө.
Облустагы өкүлчүлүктөн маалымдашкандай, көргөзмө “Апаз Жайнаков” атындагы Баткен облустук музыкалык драма театрында уюштурулду. Көргөзмөгө коюлган сүрөтчү Даниль Усмановдун эмгектеринде Баткендин күнүмдүк тиричилиги, үрп-адаты, табият менен айкалышкан жашоо образы чагылдырылган.
Көргөзмөнүн ачылышына облус жетекчисинин биринчи орун басары Бактыбек Токсонбаев менен Франциянын Кыргызстандагы элчиси Николя Фай да катышты. Алар Кыргызстан менен Франциянын ортосундагы маданий кызматташтыктын алкагында, Франциянын демилгеси менен Баткенде уюштурулуп жаткан сүрөт көргөзмөсү мындан аркы тыгыз кызматташтыкка өбөлгө болорун белгилешти.
Иш-чарага искусствону сүйгөн көрүүчүлөр, маданият кызматкерлери жана жаштар катышып, сүрөттөрдү чоң кызыгуу менен көрүшүүдө.
Кошумчалай кетсек, “Шамал өрөөнү” көргөзмөсү 13-октябрга чейин уланат.
