Бишкек, 23.09.25. /Кабар/. Шайлоо жана референдум өткөрүү боюнча борбордук комиссиясы (БШК) жана Президенттин Баткен облусундагы өкүлчүлүгүнүн аппараты шайлоо мыйзамдарына киргизилген өзгөртүүлөр боюнча түшүндүрүү иштерин жүргүзүүдө.
Өкүлчүлүктөн билдиришкендей, түшүндүрүү иштеринин негизги максаты — жергиликтүү тургундарга шайлоо өткөрүүнүн жаңы эрежелери тууралуу так маалымат берүү.
Баткен шаарында өткөн жыйынга президенттин облустагы өкүлү Айбек Шаменов, БШКнын өкүлү Мейкинбек Абдалиев, ошондой эле район жана шаар башчылары, жергиликтүү өз алдынча башкаруу органдарынын жетекчилери катышты. Жыйында добуш берүү тартиби жана мыйзамдардагы өзгөрүүлөр кеңири түшүндүрүлдү.
Бул түшүндүрүү иштери учурда облустун бардык район-шаарларында улантылууда.
