Бишкек, 13.01.26. /Кабар/. Баткенде айылга түшүп келген кыргый кайра жаратылышка учурулду. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Министрликтин Баткен аймактык башкармалыгынын кызматкерлери айылга түшүп келген кыргыйды тиешелүү адистин кароосунан өткөрүп, кайра жаратылышка учурушту.
Кыргый — шумкар сымалдар тукумуна кирген күчтүү, сары баштуу жапайы куш. Ал негизинен тоолуу жана токойлуу аймактарда жашайт. Кыргызстанда бул куш сейрек кездешүүчү түр катары эсептелет.
Министрлик жапайы жаныбарларды мыйзамсыз кармоо жана алардын жашоо чөйрөсүнө зыян келтирүү Кыргызстандын аймагында мыйзам менен тыюу салынганын эскертип, табиятты коргоо ар бир жарандын милдети экенин белгилейт.
